Tenshin Shoden Katori Shinto Ryu – er ein av dei eldste japanske sverdskulane, grunnlagt at Ienao Choisai Iizasa 飯篠長威斎家直(1387-1488) i 1447.

Katori Shinto Ryu byggjer på naturlege, flytande og dynamiske rørsler med våpen, med utgangspunkt i eit tradisjonelt treningssverd av tre (bokken). Ein lærar grunnleggjande stillingar (dachi), sverdteknikkar (kihon), trening med partner (kata), akutt forsvarsteknikkar frå sitjande og ståande stilling (iaijutsu og tachi-ai). Etter kvart bir ein  også introdusert til andre våpen som stav – bo og halleberd – naginata. Meditasjon og japansk qi gong er ein naturleg del av treninga.

Katori Shinto Ryu trening hjelper oss å utvikle eit roleg og stødig sinnelag og samstundes evnen til avspente og dermed hurtige og dynamiske kroppsrørsler – særleg når ein møter utfordringer i høgt tempo. Regelmessig trening er bra for både kropp og sinn, og har som mål å realisere det beste i seg som eit medmenneske (jin).